KLIK YE..TAKKAN NAK TENGOK AJE...

FOLLOW ME DER....

Thursday, May 26, 2011

Artikel Gawai: Ngirup....Sekali ka budaya tauka warisan kitai Iban?

NGIRUP?...sekalika budaya tauka warisan kitai bansa Iban?



Pengawa kitai Iban ke ngirup Tuak tauka ai bisa ti bukai enda milih maya bisi pengerami tauka nadai, kebendar ia ukai warisan tang nya udah nyadi budaya kitai. Bisi sekeda nya nyau enda ulih idup enti pala enda sebening...Bisi kedua nyau gegetar ketegal laban udah ketagih endar ngirup..Tau agi enda makai asi...ko sida...kin kia nangkin botol...Nyadi pengawa kitai ngirup tu bisi tuju ke manah enggau penyai kediri empu...Enti kelia, bala aki ini kitai ngirup ukai nya ketegal ka ngisi lubang nyawa enggau ai bisa..Tang lebih agi sida nya ka bebungah enggau pangan diri...Laban ngirup tu..ngasuh kitai bejaku...Ngasuh kitai ka berandau enggau pangan diri..



Bisi sekeda orang, endang nadai penemu, nadai nemu bejaku..Tang pama udah dicaj ke segelas...alu kurak-kurak ia nusi cerita...nyau nadai endur nyelepak...nyau mesai tunjuk urat rekong ia...nyau bebandir...pemanjai seratus pintu umah pan abis diapus ke ia...nya meh tuju kitai ka ngirup...kena betunga..kena muai stress ko orang...Enti ngirup sida Wisky, sida Brandy nya,sida Vodka...nyau pemenuh gelas nya ukai ka betunga..ka berandau enggau pangan diri..tak ka munuh nyawa..Enti kitai ngirup..paras alkohol pan mesti ditemu kitai dalam sekeda ai irup...Enti kelalu mayuh alkohol,ia tau nganu nyawa kitai empu...



Anang bangat ga tak beambis duit ketegal ka bebeli ke ai irup..kira ga belanja ke bukai...enti baka kitai ke kereja...Ngumpul duit sebulan....muai ia ka enggau berapa teguk ai bisa..Enda bulih sehari alu abis ga duit....semata-mata diabdikan ba ai irup...nadai wawasan meh kitai..Kitai ke udah tinggal tu...nyau makin tinggal agi...Ba siti majalah ke dibaca aku...paras alkohol ke kelalu tinggi dalam tubuh kitai tau memusnahkan sistem saraf ba tubuh enggau untak kitai...Anang gi ti kitai belandik kediri ngirup minuman ke sengapa baka sida ai Jugam..(ko kami),sida Stella Artois...cap apek..sida cap Langkau, cap Ikan... .Enda berasai meh kitai laban utai nya...laban ai irup ke baka nya..ke mayuh ngundan bahan kimia ke enda manah ke pengerai...Tak sebarang utai dibubuh orang kia...asal ia ulih kena orang ngaga pala kitai sebingau...teringat aku ke jaku pengajar lama aku ba SMK Julau suba...enti baka sida cap apek..enggau cap ke sama secap enggau sewaktu enggau ia nya..ai Bateri...ubat nyamuk...n mayuh macham agi....Bah...kati ko enda munuh nyawa utai bakanya deh...



Nya meh kitai ngirup nya bisi batas...Enda ibuh nyau sampai berebah rimpai..enda ibuh nyau sampai lingai-lingai....nyau kemih-kemih ngapa...Nyau ambis tekemi nyau tebira ba tanchut ba sebelah bilik orang....nyau ambis malai mutah...nama tuju kitai ngirup bakanya deh y...Enti bansa bukai meda kitai..(bansa orang ke lebih maju agi)...Mesti sida ketawa...kitai ingat sida ketawa meda kitai...ka lawak2 dipeda..tang...ukai nya diketawa sida...Sida ketawa ketegal meda pemeli kitai ke enda nemu ngirup...Orang ngirup ngambi ke bebungah enggau bebuti enggau pangan diri..Ngambi ke dikena ngemansut ke peluh..ngangat ke isi...Seraya kitai ke bekenang ke cerita-cerita lama...Enda berasai nya tau muai penusut runding kitai..Ketawa begulai...Begagai begulai..Enda berasai utai tu tau ngerapat ke kaul kitai enggau pangan diri..



Ukai nya kitai ngirup ketegal ka beli-beli dipeda...enti udah asai enda alah tangkup kitai agi..badu meh kitai ngirup...Ninduk kediri...Nya baru kitai ngirup enggau manah...Bah..naka tu aja meh utai ke ulih ditaip aku...



Oooo....lupa aku ka menegur budaya kitai Iban ke ngirup...Ianya budaya berkongsi gelas...Enda dibasu enggau ai...Enti bisi tabas dia...pan sama bekongsi siti sudu...sama besabau ke tabas nya...Ukai ga aku tak keji..Tang...budaya tu enda manah endar dikena kitai...laban nya tau nyeremin bansa kitai empu..Kati ko enti sepuluh orang ngirup nya berkongsi ke siti gelas....siku ari sida nya bisi sakit Tibi kini..enggau Ulser mulut serta penyakit ke ulih berjangkit ari ai liur...Tentu ia kitai ke sama ngirup nya pan dirampit ga..Better lah kitai sedia ke ai basu...Enti asai tak suntuk amat gelas..nyamai enda ibuh ga meri orang ngirup neh...Tauka nyanda ari orang bilik sepiak-sepiak kini....



Siti agi...pengawa kitai ke deka bendar tinggi penemu maya kitai udah ngirup...nyau merecik ai liur ia....Betusi ke diri ke mayuh duit....Ngungkit cerita lama...ke tau mai belaya...Last2 bejamah enggau pangan diri...bebukut...Udah alah lagi..datai ba rumah...sambung baru...Nyamah anak bini...udah bini nyau lari...nya baru ia mupuk ka ngambi anak bini ia baru...Nya meh aku madah...Anang ka ngengkah ke hidup kitai ke dilengkapi enggau untak kena berfikir..hati kena kitai merasa tu....nyadi ke hamba ai bisa...Anang ketegal ai bisa tau ngerusak pengidup kitai..tau muai duit kitai..tau memusnahkan rumah tangga kitai..tau mechah ke ruang bilik kitai...Tau ngachau pengerai kitai....waras meh berfikir....Ni utai ke manah enggau ke jai....Anang agi nyadi ke ngirup tu satu budaya(Budaya reti nya utai ke enda ulih dibuai kitai ari pengidup kitai)..Tau kitai ngirup..tapi bisimaya enggau masa tertentu...Contoh ia enti maya bisi pengerami..maya betunga enggau pangan diri...Tang enti nyau tiap-tiap ari mesti ngirup....nadai penyadi meh kitai....Sama berunding meh kitai y...Aku tu ukai tak luba-luba ngapa..Hehe...tak semina mantai ke anak penemu ke bisi ba tudah diri....Enti ke kurang nya endang kelemahan aku empu...Enti ia ke manah nya datai ari Tuhan magang..





0 comments: